المخرج الصغير الحلقة الأخيرة

 

آخر حاجه عندنا هي ملاحظات هامة جداً …
١ – اختيار العمل : لازم العمل يكون مناسب من حيث التوقيت ، فالمشكلة اللي بيعالجها الفيلم لازم تكون موجودة ومتكونش انتهت والا حيكون اختيارك للقصة مالوش لازمة .
٢ – اختيار العمل : لازم العمل يكون مناسب لإمكانياتك المادية من معدات واماكن تصوير وديكورات واكسسوارات ، لأن التفاصيل الصغيرة بتفرق على الشاشة ، وهي اللي بتخلى المشاهد اما انه يصدق او يرفض
٣ – اختيار العمل : مواقع التصوير لازم تكون متاحه وسهله ، خصوصا المواقع الخارجية ، يعني مقدرش اختار مثلا فيلم بتدور احداثه جوه قاعدة عسكرية او مكان صعب دخوله والتصوير فيه ، لأن التصاريح بالنسبة للهواة بتكون صعبة جدا ، وابعد عن الاماكن اللي فيها دوشة عشان تسجيل الصوت يكون متاح .
٤ – اختيار طاقم العمل : مش اى حد ينفع يمثل ، ومفيش حاجه اسمها دا المتاح ، لازم اختيار الممثلين يتم على اساس تناسبهم الشكلي والجسماني للشخصية ، ولازم يكونوا عندهم فكرة عن الوقوف امام الكامرا ، الممثل الفاشل يفشل العمل الناجح .
٥ – السيناريو : يستحسن اختيار القصة ذات أقل عدد من المشاهد وأماكن التصوير ، وكمان أقل كمية حوار ، لأن الحوار دائما ما يعتمد على قدرات الممثل بعكس الصورة التي تعتمد بشكل كبير على ابداع المخرج .
٦ – الراكور : من اكثر الأخطاء التي قد تتسبب في فشل الفيلم هو اختلاف ملابس ابطال العمل او الاكسسوارات من مشهد الي آخر ، لازم تعيين شخص مستقل للراكور ، وفي الغالب ما تكون فتاة .
٧ – الملابس والديكورات : اتجنب دايماً الملابس الغير تقليدية والاكسسوارات الملفتة للنظر ، لكي لا تطغى على المشهد وتسحب انتباه المتفرج عن متابعة العمل نفسه
٨ – اوضاع الكامرا : بلاش الاوضاع الغير تقليدية اللي بتحتاج لإمكانيات عالية ومعدات كبيره لانك لو حاولت تنفذها بشكل محدود حتبان عيوبها جدا .
٩ – المزيكا : بلاش استخدام موسيقى تصويرية خاصة بفيلم سابق ، لانك حتلاقي الموسيقى دي ارتبطت مع الناس بالفيلم الاول وحيحصل انفصال بين المشاهد وبين والمزيكا .
١٠ – اللقطات : حاول تصور اللقطة مرتين او تلاتة لو متاح عشان تقدر تختار منهم الاجود في الصورة والصوت والاصلح في عملية المونتاچ

لا تعليقات

اترك رد